dui dur kar ke jo hum dekhte hain

duī duur kar ke jo ham dekhte haiñ

to hī ek dair-o-haram dekhte haiñ

ye kuchh kufr uTThā hai dil meñ hamāre

ki kā'ba meñ baiThā sanam dekhte haiñ

ḳhudā ke karam se samajhte haiñ behtar

sanam tujh se jo ham sitam dekhte haiñ

kisī ko nahīñ dekhte ham jahāñ meñ

usī ko ḳhudā kī qasam dekhte haiñ

jinheñ do ghaḌī vasl hotā hai hāsil

vo ik 'umr-e-hijrāñ ke ġham dekhte haiñ

sar un kā do-'ālam se guzre hai pyāre

jo ik baar tere qadam dekhte haiñ

ḳhudā dushmanoñ ko na dikhlā.e 'ġhamgīñ'

jo kuchh dost apne se ham dekhte haiñ

dui dur kar ke jo hum dekhte hain

to hi ek dair-o-haram dekhte hain

ye kuchh kufr uTTha hai dil mein hamare

ki ka'ba mein baiTha sanam dekhte hain

KHuda ke karam se samajhte hain behtar

sanam tujh se jo hum sitam dekhte hain

kisi ko nahin dekhte hum jahan mein

usi ko KHuda ki qasam dekhte hain

jinhen do ghaDi wasl hota hai hasil

wo ek 'umr-e-hijran ke gham dekhte hain

sar un ka do-'alam se guzre hai pyare

jo ek bar tere qadam dekhte hain

KHuda dushmanon ko na dikhlae 'ghamgin'

jo kuchh dost apne se hum dekhte hain