mere dil mein tum aae dil ko mere shad kar Dala

mire dil meñ tum aa.e dil ko mere shaad kar Daalā

raho ābād tum tum ne mujhe ābād kar Daalā

ḳhud hī maiñ mar rahā thā duur thā apnī haqīqat se

chhuḌāyā kyā mujhe ḳhud se mujhe āzād kar Daalā

tumhār haath mar miTnā hai kyā ik zindagānī hai

huā ābād vo tum ne jise barbād kar Daalā

maiñ kyā thā ek sūrat jis meñ jān-o-dil na tan kuchh bhī

mirī sūrat meñ kyā aa.e mujhe ābād kar Daalā

baḌī banda-navāzī kī baḌā ehsāñ kiyā tum ne

jo bhūle se bhī ham bhūle huoñ ko yaad kar Daalā

diyā īmāñ aur īmāñ laa.e the ham jin par un ko bhī

hameñ to aap ne ābād hī ābād kar Daalā

nazar kyā mil ga.ī 'ġhausī' ko vārafta kiyā tum ne

maiñ sadqe āñkhoñ āñkhoñ hī meñ kyā irshād kar Daalā

mere dil mein tum aae dil ko mere shad kar Dala

raho aabaad tum tum ne mujhe aabaad kar Dala

KHud hi main mar raha tha dur tha apni haqiqat se

chhuDaya kya mujhe KHud se mujhe aazad kar Dala

tumhaar hath mar miTna hai kya ek zindagani hai

hua aabaad wo tum ne jise barbaad kar Dala

main kya tha ek surat jis mein jaan-o-dil na tan kuchh bhi

meri surat mein kya aae mujhe aabaad kar Dala

baDi banda-nawazi ki baDa ehsan kiya tum ne

jo bhule se bhi hum bhule huon ko yaad kar Dala

diya iman aur iman lae the hum jin par un ko bhi

hamein to aap ne aabaad hi aabaad kar Dala

nazar kya mil gai 'ghausi' ko warafta kiya tum ne

main sadqe aankhon aankhon hi mein kya irshad kar Dala