KHudi mein kisi ko TaTola karo tum

ḳhudī meñ kisī ko TaTolā karo tum

yahī aañkh vāloñ se pūchhā karo tum

yahāñ ā.gaye ā.gaye kaise kyā ho

kabhī ḳhud ko bhī dekhā-bhālā karo tum

ye sūrat hai kyā kis ne sūrat banā.ī

zarā aap apne meñ sochā karo tum

ye kyā nahnu-aqrab kā hai jaañ meñ jalva

kabhī aañkh uThā kar to dekhā karo tum

nahīñ tum ho vo aur vo tum nahīñ ho

magar un ko apne meñ paayā karo tum

yahāñ kaun phir aa.egā ā.gaye bas

vahāñ jaane kā aaj saudā karo tum

jise tum samajhte ho vo vo hī kab hai

koī us se zāhir hai dekhā karo tum

gadā aur shah-e-ik nahīñ ek se haiñ

haqīqat ko har ik kī samjhā karo tum

faqat lan-tarānī se māyūs kyuuñ ho

zarā ainamā kā tamāsha karo tum

kisī aañkh vaale se bīnā.ī lekar

haqīqat kā har-jā nazārā karo tum

ye 'ālam hai kyā cinema yaar kā hai

miyāñ nuur ko is meñ dekhā karo tum

tum us meñ ho be-shak vo tum meñ hai lekin

khare aur khoTe ko parkhā karo tum

phir apnī hī sūrat meñ dekhoge lekin

unheñ shakl-e-‘ġhausī’ meñ dekhā karo tum

KHudi mein kisi ko TaTola karo tum

yahi aankh walon se puchha karo tum

yahan aagaye aagaye kaise kya ho

kabhi KHud ko bhi dekha-bhaala karo tum

ye surat hai kya kis ne surat banai

zara aap apne mein socha karo tum

ye kya nahnu-aqrab ka hai jaan mein jalwa

kabhi aankh uTha kar to dekha karo tum

nahin tum ho wo aur wo tum nahin ho

magar un ko apne mein paya karo tum

yahan kaun phir aaega aagaye bas

wahan jaane ka aaj sauda karo tum

jise tum samajhte ho wo wo hi kab hai

koi us se zahir hai dekha karo tum

gada aur shah-e-ik nahin ek se hain

haqiqat ko har ek ki samjha karo tum

faqat lan-tarani se mayus kyun ho

zara ainama ka tamasha karo tum

kisi aankh wale se binai lekar

haqiqat ka har-ja nazara karo tum

ye 'alam hai kya cinema yar ka hai

miyan nur ko is mein dekha karo tum

tum us mein ho be-shak wo tum mein hai lekin

khare aur khoTe ko parkha karo tum

phir apni hi surat mein dekhoge lekin

unhen shakl-e-‘ghausi’ mein dekha karo tum