har zaman yarab KHayal-e-chashm-e-masatana rahe

har zamāñ yārab ḳhayāl-e-chashm-e-masatāna rahe

bāda-e-vahdat rahe aur zikr-e-jānāna rahe

qulqul-e-mīnā rahe aur daur-e-paimāna rahe

dil-rubā saaqī rahe aur shor-e-mastāna rahe

tere qurbāñ sāqiyā bhar bhar ke de jām-e-tuhūr

tū salāmat ho terā ābād mai-ḳhāna rahe

tū rahe āñkhoñ meñ merī tujh ko maiñ sajda karūñ

ka.aba āñkhoñ meñ mirī Thahre na but-ḳhāna rahe

dekh kar sahrā meñ mujh ko vo ye dete haiñ duā

qais kā yārab mire ābād vīrāna rahe

mujh ko yuuñ majnūñ banāyā hai ḳhayāl-e-yār ne

ki junūñ bhī dañg ho majnūñ bhī dīvāna rahe

dast-e-sāqī ke tasadduq jaam kuchh aisā diyā

ham rahe 'ġhausī' jahāñ bhī pīr-e-mai-ḳhāna rahe

har zaman yarab KHayal-e-chashm-e-masatana rahe

baada-e-wahdat rahe aur zikr-e-jaanana rahe

qulqul-e-mina rahe aur daur-e-paimana rahe

dil-ruba saqi rahe aur shor-e-mastana rahe

tere qurban saqiya bhar bhar ke de jam-e-tuhur

tu salamat ho tera aabaad mai-KHana rahe

tu rahe aankhon mein meri tujh ko main sajda karun

kaba aankhon mein meri Thahre na but-KHana rahe

dekh kar sahra mein mujh ko wo ye dete hain dua

qais ka yarab mere aabaad virana rahe

mujh ko yun majnun banaya hai KHayal-e-yar ne

ki junun bhi dang ho majnun bhi diwana rahe

dast-e-saqi ke tasadduq jam kuchh aisa diya

hum rahe 'ghausi' jahan bhi pir-e-mai-KHana rahe