hum apne ko aaThon pahar dekhte hain

ham apne ko āThoñ pahar dekhte haiñ

hamīñ haiñ hamīñ haiñ jidhar dekhte haiñ

shajar meñ hajar meñ malak meñ bashar meñ

ham apne hī ko jalva-gar dekhte haiñ

mushāhid haiñ ruḳhsār-o-gesū ke apne

yahī rañg shām-o-sahar dekhte haiñ

hameñ khel hai maut kyā zindagī kyā

ye donoñ ko ham apne ghar dekhte haiñ

ḳhudī ko ḳhudā kā kiyā ā.īna hai

ḳhudī meñ ḳhudā kā guzar dekhte haiñ

hamīñ shakl-e-bā-chūñ hamīñ rañg-e-be-chūñ

ham ik aan meñ do-nazar dekhte haiñ

jo kho kar ḳhudī apnī ḳhud-bīñ hue haiñ

kahāñ ġhair ko ik nazar dekhte haiñ

nazar haiñ nazar haiñ nazar haiñ nazar haiñ

idhar dekhte haiñ udhar dekhte haiñ

muamma haiñ ham kyā kaheñ ḳhud ko 'ġhausī'

ḳhudā jis meñ hai vo bashar dekhte hai

hum apne ko aaThon pahar dekhte hain

hamin hain hamin hain jidhar dekhte hain

shajar mein hajar mein malak mein bashar mein

hum apne hi ko jalwa-gar dekhte hain

mushahid hain ruKHsar-o-gesu ke apne

yahi rang sham-o-sahar dekhte hain

hamein khel hai maut kya zindagi kya

ye donon ko hum apne ghar dekhte hain

KHudi ko KHuda ka kiya aaina hai

KHudi mein KHuda ka guzar dekhte hain

hamin shakl-e-ba-chun hamin rang-e-be-chun

hum ek aan mein do-nazar dekhte hain

jo kho kar KHudi apni KHud-bin hue hain

kahan ghair ko ek nazar dekhte hain

nazar hain nazar hain nazar hain nazar hain

idhar dekhte hain udhar dekhte hain

muamma hain hum kya kahen KHud ko 'ghausi'

KHuda jis mein hai wo bashar dekhte hai