wo abru-e-KHamdar badli hui hai

vo abrū-e-ḳhamdār badlī huī hai

diloñ kī talab-gār badlī huī hai

qadam ko milā kar chalo saath us ke

zamāne kī raftār badlī huī hai

asīroñ ke andāz nā-guftanī haiñ

salāsil kī jhanakār badlī huī hai

bisāt-e-mai-o-jām ulTī paḌī hai

ġhazab chashm-e-mai-ḳhvār badlī huī hai

hue soḳhta dil ke ḳhirman ke ḳhirman

nigāh-e-sharar-bār badal huī hai

matā-e-dil-o-jāñ kā ho kaun zāmin

nigāh-e-nigah-dār badlī huī hai

'ġhubār' ab kahāñ dīn-o-īmāñ salāmat

ki har vaz.a dīñ-dār badlī huī hai

wo abru-e-KHamdar badli hui hai

dilon ki talab-gar badli hui hai

qadam ko mila kar chalo sath us ke

zamane ki raftar badli hui hai

asiron ke andaz na-guftani hain

salasil ki jhanakar badli hui hai

bisat-e-mai-o-jam ulTi paDi hai

ghazab chashm-e-mai-KHwar badli hui hai

hue soKHta dil ke KHirman ke KHirman

nigah-e-sharar-bar badal hui hai

mata-e-dil-o-jaan ka ho kaun zamin

nigah-e-nigah-dar badli hui hai

'ghubar' ab kahan din-o-iman salamat

ki har waza din-dar badli hui hai