yak rang hain shama-o-parwane koi ye jaane koi wo jaane

yak rañg haiñ sham.a-o-parvāne koī ye jaane koī vo jaane

haiñ donoñ husn ke dīvāne koī ye jaane koī vo jaane

donoñ meñ ba-hasb-e-zauq nazar-e-fitrat kī bahāreñ raqsāñ haiñ

gulzār hoñ yā hoñ vīrāne koī ye jaane koī vo jaane

but-ḳhāne meñ koī nāzir ho yā jā ke haram meñ hāzir ho

jalvoñ ke haiñ donoñ kāshāne koī ye jaane koī vo jaane

haiñ ek ko gesū-e-vaj.h-e-sukūñ aur ek ko haiñ paiġhām-e-junūñ

hushiyār hoñ yā hoñ dīvāne koī ye jaane koī vo jaane

nazar ye shaiḳh-o-barhaman se tāsīs-e-kufr-o-īmāñ hai

ye ka.aba hai ye haiñ but-ḳhāne koī ye jaane koī vo jaane

jo sho.ale ġham ke bhaḌke haiñ un kī bhī ajab nauiyyat hai

gah-e-sham.a haiñ gaahe parvāne koī ye jaane koī vo jaane

hai josh-e-mauj ḳhuuñ dil meñ yā bāda-e-nāb kī tābish hai

rañgīñ haiñ shafaq ke paimāne koī ye jaane koī vo jaane

ā.īna-e-vahdat pesh-e-nazar gah-e-aks-e-jamāl-e-sifat gar

haiñ dil ke ajab hairat-ḳhāne koī ye jaane koī vo jaane

rahtā hai 'ġhubār' āvāra dair aur haram kā nazāra

un ke haiñ nirāle kāshāne koī ye jaane koī vo jaane

yak rang hain shama-o-parwane koi ye jaane koi wo jaane

hain donon husn ke diwane koi ye jaane koi wo jaane

donon mein ba-hasb-e-zauq nazar-e-fitrat ki bahaaren raqsan hain

gulzar hon ya hon virane koi ye jaane koi wo jaane

but-KHane mein koi nazir ho ya ja ke haram mein hazir ho

jalwon ke hain donon kashane koi ye jaane koi wo jaane

hain ek ko gesu-e-wajh-e-sukun aur ek ko hain paigham-e-junun

hushiyar hon ya hon diwane koi ye jaane koi wo jaane

nazar ye shaiKH-o-barhaman se tasis-e-kufr-o-iman hai

ye kaba hai ye hain but-KHane koi ye jaane koi wo jaane

jo shoale gham ke bhaDke hain un ki bhi ajab nauiyyat hai

gah-e-shama hain gahe parwane koi ye jaane koi wo jaane

hai josh-e-mauj KHun dil mein ya baada-e-nab ki tabish hai

rangin hain shafaq ke paimane koi ye jaane koi wo jaane

aaina-e-wahdat pesh-e-nazar gah-e-aks-e-jamal-e-sifat gar

hain dil ke ajab hairat-KHane koi ye jaane koi wo jaane

rahta hai 'ghubar' aawara dair aur haram ka nazara

un ke hain nirale kashane koi ye jaane koi wo jaane