chahne walon se apne yun KHafa tum kyun hue

chāhne vāloñ se apne yuuñ ḳhafā tum kyuuñ hue

dushman-e-jānī-e-arbāb-e-vafā tum kyuuñ hue

dil diyā gar us ko ham ne mat malāmat kar hameñ

un se kah nāseh ki aise dil-rubā tum kyuuñ hue

saare ḳhat shauq meñ maiñ ne yahī ro-ro likhā

haaye sāheb kyā kiyā tum ne judā tum kyuuñ hue

sard-mehrī ne tumhārī ye sitam taaza kiyā

mere hote ġhair par garm-e-jafā tum kyuuñ hue

merī hī maḳhsūs hotī kaash ye be-pardagī

ḳhaas rahnā thā ’umūman ḳhud-numā tum kyuuñ hue

morid-e-rahmat to ai 'rāsiḳh' ḳharābātī hī haiñ

mai se tauba tum ne kyuuñ kī pārsā tum kyuuñ hue

chahne walon se apne yun KHafa tum kyun hue

dushman-e-jaani-e-arbab-e-wafa tum kyun hue

dil diya gar us ko hum ne mat malamat kar hamein

un se kah naseh ki aise dil-ruba tum kyun hue

sare KHat shauq mein main ne yahi ro-ro likha

haye saheb kya kiya tum ne juda tum kyun hue

sard-mehri ne tumhaari ye sitam taza kiya

mere hote ghair par garm-e-jafa tum kyun hue

meri hi maKHsus hoti kash ye be-pardagi

KHas rahna tha ’umuman KHud-numa tum kyun hue

morid-e-rahmat to ai 'rasiKH' KHarabaati hi hain

mai se tauba tum ne kyun ki parsa tum kyun hue