na-tawan hain ab kahan chalne ki taqat aah hai

nā-tavāñ haiñ ab kahāñ chalne kī tāqat aah hai

do qadam kī raah ham ko sau baras kī raah hai

baiTh kar bismil kī āñkhoñ meñ tamāshā us kā dekh

ye gulistān-e-jahāñ turfa-e-shahādat-gāh hai

terā ai dāmān-e-vasl-e-yār is meñ kyā qusūr

haath baḳht-e-nā-rasā kā apne hī kotāh hai

chhoḌ dī kyā jald tāqat ne rifāqat merī aah

zo.af se ḳhush huuñ ki marte tak mire hamrāh hai

hosh vaale mahram-e-rāz us ke ai 'rāsiḳh' nahīñ

kahte haiñ jo be-ḳhabar hai kuchh vahī āgāh hai

na-tawan hain ab kahan chalne ki taqat aah hai

do qadam ki rah hum ko sau baras ki rah hai

baiTh kar bismil ki aankhon mein tamasha us ka dekh

ye gulistan-e-jahan turfa-e-shahadat-gah hai

tera ai daman-e-wasl-e-yar is mein kya qusur

hath baKHt-e-na-rasa ka apne hi kotah hai

chhoD di kya jald taqat ne rifaqat meri aah

zoaf se KHush hun ki marte tak mere hamrah hai

hosh wale mahram-e-raaz us ke ai 'rasiKH' nahin

kahte hain jo be-KHabar hai kuchh wahi aagah hai