gilā kyā karūñ ai falak batā mere haq meñ jab ye jahāñ nahīñ

gilā kyā karūñ ai falak batā mire haq meñ jab ye jahāñ nahīñ

kahūñ kaise hāl-e-dil un se maiñ mirī hiltī tak ye zabāñ nahīñ

ye bhañvar haiñ bahr-e-hayāt ke maiñ huuñ ḳhasta-hāl-o-shikasta-o-dil

mirī Dagmagātī hai naav ab kahīñ miltā mujh ko karāñ nahīñ

tujhe DhūñDūñ bhī to kahāñ ki jab huuñ maiñ ḳhud hī zulmat-e-yās meñ

mujhe bazm-e-hastī meñ mil sakā tere naqsh-e-pā kā nishāñ nahīñ

ġham-e-dil hī merā nikāl do mirī zindagī se jo tum agar

to vo dāstāñ hī kuchh aur hai mire hāl-e-dil kā bayāñ nahīñ

maiñ sunā.ūñ kis ko ye hāl-e-dil maiñ dikhā.ūñ kis ko ye dard-o-ġham

maiñ huuñ aisī hālat-e-zār meñ ki ḳhud apnā mujh ko gumāñ nahīñ

nahīñ giit bāda-o-jām ke yahāñ aur hī koī baat hai

ki maiñ jis balā meñ huuñ mubtalā vo balā-e-ishq-e-butāñ nahīñ

tū hai zarre zarre meñ zau-fishāñ nahīñ miltā phir bhī kahīñ nishāñ

koī 'shaġhl' ab ye batā.e kyā tū kahāñ hai aur kahāñ nahīñ

gilā kyā karūñ ai falak batā mere haq meñ jab ye jahāñ nahīñ

kahūñ kaise hāl-e-dil un se maiñ mirī hiltī tak ye zabāñ nahīñ

ye bhañwar haiñ bahr-e-hayāt ke maiñ huñ ḳhasta-hāl-o-shikasta-o-dil

mirī Dagmagātī hai naw ab kahīñ miltā mujh ko karāñ nahīñ

tujhe DhūñDūñ bhī to kahāñ ki jab huñ maiñ ḳhud hī zulmat-e-yās meñ

mujhe bazm-e-hastī meñ mil sakā tere naqsh-e-pā kā nishāñ nahīñ

ġham-e-dil hī merā nikāl do mirī zindagī se jo tum agar

to wo dāstāñ hī kuchh aur hai mere hāl-e-dil kā bayāñ nahīñ

maiñ sunāūñ kis ko ye hāl-e-dil maiñ dikhāūñ kis ko ye dard-o-ġham

maiñ huñ aisī hālat-e-zār meñ ki ḳhud apnā mujh ko gumāñ nahīñ

nahīñ git bāda-o-jām ke yahāñ aur hī koī baat hai

ki maiñ jis balā meñ huñ mubtalā wo balā-e-ishq-e-butāñ nahīñ

tū hai zarre zarre meñ zau-fishāñ nahīñ miltā phir bhī kahīñ nishāñ

koī 'shaġhl' ab ye batāe kyā tū kahāñ hai aur kahāñ nahīñ