aae wo ban-sanwar ke bahaaron ke darmiyan

aa.e vo ban-sañvar ke bahāroñ ke darmiyāñ

jaise muhīt-e-chāñd ho tāroñ ke darmiyāñ

kis ne hamārī laash ko manzil pe lā diyā

aa.ī thī jab ke maut ġhubāroñ ke darmiyāñ

sāhil pe aake Duub ga.ī kashtī-e-hayāt

ġharqāb jo na ho sakī dhāroñ ke darmiyāñ

maiñ bhī to khil rahā huuñ isī tarah dosto

jaise koī gulāb ho ḳhāroñ ke darmiyāñ

merī bhī to misāl hai sham.a se kam nahīñ

jaltā huuñ be-sahārā sahāroñ ke darmiyāñ

'hairat' dimāġh arsh-e-barīñ par pahuñch gayā

dekhā jo ḳhud ko chāñd sitāroñ ke darmiyāñ

aae wo ban-sanwar ke bahaaron ke darmiyan

jaise muhit-e-chand ho taron ke darmiyan

kis ne hamari lash ko manzil pe la diya

aai thi jab ke maut ghubaron ke darmiyan

sahil pe aake Dub gai kashti-e-hayat

gharqab jo na ho saki dhaaron ke darmiyan

main bhi to khil raha hun isi tarah dosto

jaise koi gulab ho KHaron ke darmiyan

meri bhi to misal hai shama se kam nahin

jalta hun be-sahaara sahaaron ke darmiyan

'hairat' dimagh arsh-e-barin par pahunch gaya

dekha jo KHud ko chand sitaron ke darmiyan