hangama hai kyun barpa waris ne jo mai di hai

hañgāma hai kyuuñ barpā vāris ne jo mai dī hai

jannat meñ jo miltī hai vo mujh ko pilā.ī hai

hūreñ liye phirtī haiñ jin ke liye gul-daste

allāh kī qasam vo vāris terī hastī hai

sañg dar vāris pe sajde se jo sajāte haiñ

un kā hai ḳhudā un kā un kī hī ḳhudā.ī hai

vo itne qarīb aa.e ham ḳhud ko bhulā baiThe

ye kaisā qarīb aanā ye kaisī be-ḳhudī hai

sho.aloñ se bhī kheleñge tūfānoñ se guzreñge

vāris kā karam ho to jannat bhī hamārī hai

'sāġhar' koī bastā hai mujh meñ merī miTTī meñ

andar se jo aatī hai āvāz ye kisī kī hai

hangama hai kyun barpa waris ne jo mai di hai

jannat mein jo milti hai wo mujh ko pilai hai

huren liye phirti hain jin ke liye gul-daste

allah ki qasam wo waris teri hasti hai

sang dar waris pe sajde se jo sajate hain

un ka hai KHuda un ka un ki hi KHudai hai

wo itne qarib aae hum KHud ko bhula baiThe

ye kaisa qarib aana ye kaisi be-KHudi hai

shoalon se bhi khelenge tufanon se guzrenge

waris ka karam ho to jannat bhi hamari hai

'saghar' koi basta hai mujh mein meri miTTi mein

andar se jo aati hai aawaz ye kisi ki hai