tamanna hai ki dekhun aankh se wo shakl-e-nurani

tamannā hai ki dekhūñ aañkh se vo shakl-e-nūrānī

nazar jis shakl-e-nūrānī meñ aa.e shakl-e-yazdānī

pata is kā na thā rūh-ul-amīñ se bhī farishta ko

jo kuchh thā vāsta allāh se hazrat kā rūhānī

ḳhudā kī shaan to shān-e-mohammad meñ nazar aa.ī

magar shān-e-mohammad dekhī duniyā bhar meñ lā-sānī

tajallī-gāh hai 'arsh-e-mua.allā us shah-e-dīñ kā

nazar meñ kyā ho us ke vaq’at taḳht-e-sulaimānī

tirā darbār darbār-e-ilāhī kā namūna hai

gadāoñ ko tire darbār se miltī hai sultānī

'ajab kyā hai sharīk-e-'urs hoñ jinn-o-malak aa kar

ki hai 'urs-o-mubārak kHvāja-e-shāh-e-sulaimānī

uThāyā jā۔ūñ maddāhoñ meñ hazrat ke qiyāmat meñ

kiyā karatā huuñ is ummīd par 'hāfiz' ġhazal-ḳhvānī

tamanna hai ki dekhun aankh se wo shakl-e-nurani

nazar jis shakl-e-nurani mein aae shakl-e-yazdani

pata is ka na tha ruh-ul-amin se bhi farishta ko

jo kuchh tha wasta allah se hazrat ka ruhani

KHuda ki shan to shan-e-mohammad mein nazar aai

magar shan-e-mohammad dekhi duniya bhar mein la-sani

tajalli-gah hai 'arsh-e-mualla us shah-e-din ka

nazar mein kya ho us ke waq’at taKHt-e-sulaimani

tera darbar darbar-e-ilahi ka namuna hai

gadaon ko tere darbar se milti hai sultani

'ajab kya hai sharik-e-'urs hon jinn-o-malak aa kar

ki hai 'urs-o-mubarak kHwaja-e-shah-e-sulaimani

uThaya ja۔un maddahon mein hazrat ke qiyamat mein

kiya karata hun is ummid par 'hafiz' ghazal-KHwani