rahat-talab-o-talib-e-azar hamin hain

rāhat-talab-o-tālib-e-āzār hamīñ haiñ

ma.ashūq-e-azal 'āshiq-e-dil-dār hamīñ haiñ

lailā ke giraftār haiñ lailā bhī hamīñ haiñ

ham majnūñ haiñ rusvā sar-e-bāzār hamīñ haiñ

piite haiñ mai-e-sāġhar-e-tauhīd damādam

momin haiñ hamīñ kāfir ayyār hamīñ haiñ

ham shāhid-o-mash.hūd haiñ ham āshiq-o-ma.ashūq

ḳhvāja haiñ hamīñ shiblī-o-attār hamīñ haiñ

ham nuur haiñ ham tuur haiñ ham jalva-e-haq haiñ

muusā kī tarah tālib-e-dīdār hamīñ haiñ

ham aap hī mansūr haiñ aur aap anal-haq

ham shar.a ko sar dete haiñ sardār hamīñ haiñ

maulā haiñ ġharīboñ ke shahanshāh najaf haiñ

sultān-e-'arab ‘hāfiz’-o-mukHtār hamīñ haiñ

rahat-talab-o-talib-e-azar hamin hain

mashuq-e-azal 'ashiq-e-dil-dar hamin hain

laila ke giraftar hain laila bhi hamin hain

hum majnun hain ruswa sar-e-bazar hamin hain

pite hain mai-e-saghar-e-tauhid damadam

momin hain hamin kafir ayyar hamin hain

hum shahid-o-mashhud hain hum aashiq-o-mashuq

KHwaja hain hamin shibli-o-attar hamin hain

hum nur hain hum tur hain hum jalwa-e-haq hain

musa ki tarah talib-e-didar hamin hain

hum aap hi mansur hain aur aap anal-haq

hum shara ko sar dete hain sardar hamin hain

maula hain gharibon ke shahanshah najaf hain

sultan-e-'arab ‘hafiz’-o-mukHtar hamin hain