hai jo diwana kisi ka wahi farzana hai

hai jo dīvāna kisī kā vahī farzāna hai

jis ne muñh pher liyā ishq se dīvāna hai

roktā huuñ use maiñ ishq se ruktā hī nahīñ

maiñ to huuñ hosh meñ par dil mirā dīvāna hai

ishq-bāzī meñ kisī kī bhī nahīñ hai taḳhsīs

sham.a jal jaane de jis ko vahī parvāna hai

jaan bach saktī hai kyuuñ kar mirī us zālim se

hai vo af'ī-e-siyaih jo mirā ham-ḳhāna hai

ab na rishta hai kasī se na mohabbat us ko

jo tirā ho gayā duniyā se vo begāna ho gayā

apne dil se tū bahut duur rahā kar 'akbar'

maiñ use jāntā huuñ ḳhuub vo dīvāna hai

hai jo diwana kisi ka wahi farzana hai

jis ne munh pher liya ishq se diwana hai

rokta hun use main ishq se rukta hi nahin

main to hun hosh mein par dil mera diwana hai

ishq-bazi mein kisi ki bhi nahin hai taKHsis

shama jal jaane de jis ko wahi parwana hai

jaan bach sakti hai kyun kar meri us zalim se

hai wo af'i-e-siyaih jo mera ham-KHana hai

ab na rishta hai kasi se na mohabbat us ko

jo tera ho gaya duniya se wo begana ho gaya

apne dil se tu bahut dur raha kar 'akbar'

main use jaanta hun KHub wo diwana hai