ہے جو دیوانہ کسی کا وہی فرزانہ ہے

ہے جو دیوانہ کسی کا وہی فرزانہ ہے

جس نے منہ پھیر لیا عشق سے دیوانہ ہے

روکتا ہوں اسے میں عشق سے رکتا ہی نہیں

میں تو ہوں ہوش میں پر دل مرا دیوانہ ہے

عشق بازی میں کسی کی بھی نہیں ہے تخصیص

شمع جل جانے دے جس کو وہی پروانہ ہے

جان بچ سکتی ہے کیوں کر مری اس ظالم سے

ہے وہ افعیٔ سیہ جو مرا ہم خانہ ہے

اب نہ رشتہ ہے کسی سے نہ محبت اس کو

جو ترا ہو گیا دنیا سے وہ بیگانہ ہو گیا

اپنے دل سے تو بہت دور رہا کر اکبرؔ

میں اسے جانتا ہوں خوب وہ دیوانہ ہے