Sufinama

hain shauq-e-zabh mein aashiq taDapte murgh-e-bismil se

Shah Akbar Danapuri

hain shauq-e-zabh mein aashiq taDapte murgh-e-bismil se

Shah Akbar Danapuri

MORE BYShah Akbar Danapuri

    haiñ shauq-e-zab.h meñ āshiq taḌapte murġh-e-bismil se

    ajal zarā kah aanā ye paiġhām qātil se

    qayāmat ho ga.ī barpā tah-o-bālā huā aalam

    lagī vo aag duniyā meñ hamārī sozish-e-dil se

    tasavvur jam gayā jis dam to phir vo kyā ukhaḌtā hai

    na hogī mahv-e-sūrat us ab ā.īna-e-dil se

    jise dekhā musaḳhḳhar kar liyā ne use kāfir

    tirī āñkhoñ jaadū kam nahīñ sahar-e-bābul se

    fanā ke ba.ad bhī baaqī rahegā shor-o-zor apnā

    nahīñ jaane mar kar bhī hamārā valvala dil se

    zakāt-e-husn ik bosa in āñkhoñ ināyat ho

    bar aa.egī mirī hājat to niklegī duā dil se

    sivā tere nahīñ matlūb koī chiiz duniyā meñ

    hai matlab jaañ se kis ko kise hai mudda.ā dil se

    sitam-kash maiñ huuñ aur vo nāz-parvarda nazākat meñ

    unheñ kyā vāqafiyyat ho mirī betābī-e-dil se

    koī rashk-e-gulistāñ hai to koī ġhairat-e-gulshan

    hue kyā kyā hasīñ gulcharra paidā āb-o-gil se

    hai us se raushanī-e-bazm tujh se raunaq-e-ālam

    tire ruḳh ko nahīñ ai maah nisbat sham-e-mahfil se

    sadā-e-zañg se naala agar majnūñ paidā ho

    ajab kyā gir paḌe ġhash khā ke lailā apne mahmil se

    ba-juz āvāz zanjīr-e-girāñ kuchh ḳhush nahīñ aatā

    yahāñ tak bhar ga.e haiñ kaan āvāz-e-salāsil se

    hain shauq-e-zabh mein aashiq taDapte murgh-e-bismil se

    ajal tu hi zara kah aana ye paigham qatil se

    qayamat ho gai barpa tah-o-baala hua aalam

    lagi wo aag duniya mein hamari sozish-e-dil se

    tasawwur jam gaya jis dam to phir wo kya ukhaDta hai

    na hogi mahw-e-surat us ki ab aaina-e-dil se

    jise dekha musaKHKHar kar liya tu ne use kafir

    teri aankhon ka jadu kam nahin sahar-e-babul se

    fana ke baad bhi baqi rahega shor-o-zor apna

    nahin jaane ka mar kar bhi hamara walwala dil se

    zakat-e-husn ek bosa in aankhon ka inayat ho

    bar aaegi meri hajat to niklegi dua dil se

    siwa tere nahin matlub koi chiz duniya mein

    hai matlab jaan se kis ko kise hai muddaa dil se

    sitam-kash main hun aur wo naz-parwarda nazakat mein

    unhen kya waqafiyyat ho meri betabi-e-dil se

    koi rashk-e-gulistan hai to koi ghairat-e-gulshan

    hue kya kya hasin gulcharra paida aab-o-gil se

    hai us se raushani-e-bazm tujh se raunaq-e-alam

    tere ruKH ko nahin ai mah nisbat sham-e-mahfil se

    sada-e-zang se nala agar majnun ka paida ho

    ajab kya gir paDe ghash kha ke laila apne mahmil se

    ba-juz aawaz zanjir-e-giran kuchh KHush nahin aata

    yahan tak bhar gae hain kan aawaz-e-salasil se

    Source :
    • Book : Shah Akbar Danapuri Hayat aur Shaeri (Pg. 75)
    • Author : Talha Rizvi Barq
    • Publication : Label Litho Press, Patna (1985)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now