ye masjid mandir mai-KHane koi ye mane koi wo mane

ye masjid mandir mai-ḳhāne koī ye maane koī vo maane

sab jānāñ haiñ tere kāshāne koī ye maane koī vo maane

ik hast kā tere qaa.el hai inkār pe koī maa.il hai

asliyat lekin tū jaane koī ye maane koī vo maane

ik ḳhalq meñ shāmil karatā hai ik sab se akelā kahtā hai

haiñ donoñ tere mastāne koī ye maane koī vo maane

kahīñ husn meñ jalva-farmā hai kahīñ ātish-e-ishq meñ jaltā hai

tū kyā hai koī kyā jaane koī ye maane koī vo maane

ik mast-e-alast hai dīvāna ik daanā biinā farzāna

ik ḳhum se bhar do paimāne koī ye maane koī vo maane

yuuñ naam ko bulbul gul par hai aur sham.a pe maa.il parvāna

haiñ ek hī jalve ke dīvāne koī ye maane koī vo maane

hairat meñ a.alam saarā hai kyā dil meñ bhed chhupāyā hai

ik baat hai so haiñ afsāne koī ye maane koī vo maane

ye masjid mandir mai-KHane koi ye mane koi wo mane

sab jaanan hain tere kashane koi ye mane koi wo mane

ek hast ka tere qael hai inkar pe koi mail hai

asliyat lekin tu jaane koi ye mane koi wo mane

ek KHalq mein shamil karata hai ek sab se akela kahta hai

hain donon tere mastane koi ye mane koi wo mane

kahin husn mein jalwa-farma hai kahin aatish-e-ishq mein jalta hai

tu kya hai koi kya jaane koi ye mane koi wo mane

ek mast-e-alast hai diwana ek dana bina farzana

ek KHum se bhar do paimane koi ye mane koi wo mane

yun nam ko bulbul gul par hai aur shama pe mail parwana

hain ek hi jalwe ke diwane koi ye mane koi wo mane

hairat mein aalam sara hai kya dil mein bhed chhupaya hai

ek baat hai so hain afsane koi ye mane koi wo mane