jab se dekhi hai meri jaan humne surat aap ki

jab se dekhī hai mirī jaañ ham ne sūrat aap kī

ho ga.ī hai jāguzīñ dil meñ mohabbat aap kī

ik dam meñ kar liyā qabza dil-e-ushshāq par

hai ajab chaltā huā jaadū mohabbat aap kī

hai bahut dilchaspī mere dil se terī zaat ko

ghar banā baiThī hai mere dil meñ sūrat aap kī

ashk jab jaarī hue āñkhoñ se dariyā bah ga.e

josh-zan hai ye mere dil meñ mohabbat aap kī

mast kar detā hai dil ko nām-e-nāmī aap kā

yā alī maiñ kyā kahūñ kyā hai mohabbat aap kī

aap kī duurī meñ merī jaan jā.egī zarūr

hai qazā mere liye ai jān-e-furqat aap kī

is safā-e-ruḳh ne ā.īna banāyā hai mujhe

merī sūrat meñ nazar aatī hai sūrat aap kī

jab se dekhi hai meri jaan hum ne surat aap ki

ho gai hai jaguzin dil mein mohabbat aap ki

ek dam mein kar liya qabza dil-e-ushshaq par

hai ajab chalta hua jadu mohabbat aap ki

hai bahut dilchaspi mere dil se teri zat ko

ghar bana baiThi hai mere dil mein surat aap ki

ashk jab jari hue aankhon se dariya bah gae

josh-zan hai ye mere dil mein mohabbat aap ki

mast kar deta hai dil ko nam-e-nami aap ka

ya ali main kya kahun kya hai mohabbat aap ki

aap ki duri mein meri jaan jaegi zarur

hai qaza mere liye ai jaan-e-furqat aap ki

is safa-e-ruKH ne aaina banaya hai mujhe

meri surat mein nazar aati hai surat aap ki