ġham-e-jigar-shikan o dard jāñ-sitāñ dekhā

ġham-e-jigar-shikan o dard jāñ-sitāñ dekhā

tumhāre ishq meñ kyā kyā na mehrbāñ dekhā

har ek majlis-e-ḳhūbāñ meñ dil-sitāñ dekhā

na koī tujh sā par ai āfat-e-jahāñ dekhā

maiñ vo asiir huuñ jin ne ki dāġh-e-yās sivā

na sair-e-lāla-sitāñ kī na gulsitāñ dekhā

jis aañkh meñ na samātī thī buuñd aañsū kī

ab us ne ġham meñ tire sail-e-ḳhūñ ravāñ dekhā

na kohkan ne vo dekhā kabhī na majnūñ ne

tumhāre ishq meñ jo ham ne ai butāñ dekhā

hazār garche haiñ bīmār terī āñkhoñ ke

par un meñ koī bhalā mujh sā nā-tavāñ dekhā

maiñ vo marīz huuñ pyāre ki jin ne muddat se

sivā-e-dard na ārām yak-zamāñ dekhā

kiyā savāl maiñ 'bedār' se ki ai mahjūr

kabhī bhī tū ne bhalā vasl-e-dil-sitāñ dekhā

mufāriqat hī meñ kyā umr khoī merī tarah

ki ishq meñ dil-e-ġham-ghīñ na shādmāñ dekhā

ye sun ke rone lagā aur ba.ad rone ke

kahā na pūchho jo kuchh maiñ ne ai miyāñ dekhā

firāq-e-yār jafā-e-shamātat-e-a.adā

ġham-e-dil o sitam-e-pand-e-nāsehāñ dekhā

na paa.ī zarra bhī us ashk-e-garm kī tāsīr

na ek dam asar-e-nāla-o-fuġhāñ dekhā

jahāñ meñ vasl hai suntā huuñ muddatoñ se va-lek

sivā-e-nām na us kā kahīñ nishāñ dekhā

ġham-e-jigar-shikan o dard jāñ-sitāñ dekhā

tumhāre ishq meñ kyā kyā na mehrbāñ dekhā

har ek majlis-e-ḳhūbāñ meñ dil-sitāñ dekhā

na koī tujh sā par ai āfat-e-jahāñ dekhā

maiñ wo asir huñ jin ne ki dāġh-e-yās siwā

na sair-e-lāla-sitāñ kī na gulsitāñ dekhā

jis aañkh meñ na samātī thī buñd aañsū kī

ab us ne ġham meñ tere sail-e-ḳhūñ rawāñ dekhā

na kohkan ne wo dekhā kabhī na majnūñ ne

tumhāre ishq meñ jo hum ne ai butāñ dekhā

hazār garche haiñ bīmār terī āñkhoñ ke

par un meñ koī bhalā mujh sā nā-tawāñ dekhā

maiñ wo marīz huñ pyāre ki jin ne muddat se

siwā-e-dard na ārām yak-zamāñ dekhā

kiyā sawāl maiñ 'bedār' se ki ai mahjūr

kabhī bhī tū ne bhalā wasl-e-dil-sitāñ dekhā

mufāriqat hī meñ kyā umr khoī merī tarah

ki ishq meñ dil-e-ġham-ghīñ na shādmāñ dekhā

ye sun ke rone lagā aur baad rone ke

kahā na pūchho jo kuchh maiñ ne ai miyāñ dekhā

firāq-e-yār jafā-e-shamātat-e-adā

ġham-e-dil o sitam-e-pand-e-nāsehāñ dekhā

na paī zarra bhī us ashk-e-garm kī tāsīr

na ek dam asar-e-nāla-o-fuġhāñ dekhā

jahāñ meñ wasl hai suntā huñ muddatoñ se wa-lek

siwā-e-nām na us kā kahīñ nishāñ dekhā