hum shaukHi-e-andaz-e-jafa dekh rahe hain

ham shaukHī-e-andāz-e-jafā dekh rahe haiñ

hāthoñ meñ qiyāmat kī hinā dekh rahe haiñ

dil dekh rahe haiñ ki ḳhudā dekh rahe haiñ

ham husn meñ kyā jāniye kyā dekh rahe haiñ

parde meñ unheñ parda-kushā dekh rahe haiñ

phir shauq ba-andāz-e-hayā dekh rahe haiñ

ham aur koī mast ḳharābāt-e-javānī

tauba hai ki īmān gayā dekh rahe haiñ

har rañg meñ ham DhūñD rahe haiñ koī manzil

har raah meñ naqsh kaf-e-pā dekh rahe haiñ

ḳhalvat meñ 'nashvar' aap ko tasbīh mubārak

ham baaġh meñ haiñ aur ghaTā dekh rahe haiñ

hum shaukHi-e-andaz-e-jafa dekh rahe hain

hathon mein qiyamat ki hina dekh rahe hain

dil dekh rahe hain ki KHuda dekh rahe hain

hum husn mein kya jaaniye kya dekh rahe hain

parde mein unhen parda-kusha dekh rahe hain

phir shauq ba-andaz-e-haya dekh rahe hain

hum aur koi mast KHarabaat-e-jawani

tauba hai ki iman gaya dekh rahe hain

har rang mein hum DhunD rahe hain koi manzil

har rah mein naqsh kaf-e-pa dekh rahe hain

KHalwat mein 'nashwar' aap ko tasbih mubarak

hum bagh mein hain aur ghaTa dekh rahe hain