hum us bazm mein mehman ja rahe hain

ham us bazm meñ mehmāñ jā rahe haiñ

bulāyā hai kis ne kahāñ jā rahe haiñ

uThe haiñ jo ḳhush ḳhush koī un se pūchhe

vo dafnā ke ham ko kahāñ jā rahe haiñ

mire ba.ad itnā ḳhayāl un ko aayā

miTāne lahad kā nishāñ jā rahe haiñ

adam ko jaane vaale adam ko sidhāre

kisī se na pūchhā kahāñ jā hai haiñ

ḳhudā hī pahuñchā.e un ko to pahuñcheñ

adam ko tere nā-tavāñ jā rahe haiñ

mujhe dar se uThvā ke kahte haiñ hañs kar

koī un se pūchhe kahāñ jā rahe haiñ

baḌe lutf se ham chale haiñ qafas ko

liye dosh par āshiyāñ jā rahe haiñ

kisī ne na ai maut ham ko batāyā

kahāñ se ham aa.e kahāñ jā rahe haiñ

ḳhajil hoñge mai-ḳhāne meñ shaiḳh-sāhab

mire saath hazrat kahāñ jā rahe haiñ

hum us bazm mein mehman ja rahe hain

bulaya hai kis ne kahan ja rahe hain

uThe hain jo KHush KHush koi un se puchhe

wo dafna ke hum ko kahan ja rahe hain

mere baad itna KHayal un ko aaya

miTane lahad ka nishan ja rahe hain

adam ko jaane wale adam ko sidhaare

kisi se na puchha kahan ja hai hain

KHuda hi pahunchae un ko to pahunchen

adam ko tere na-tawan ja rahe hain

mujhe dar se uThwa ke kahte hain hans kar

koi un se puchhe kahan ja rahe hain

baDe lutf se hum chale hain qafas ko

liye dosh par aashiyan ja rahe hain

kisi ne na ai maut hum ko bataya

kahan se hum aae kahan ja rahe hain

KHajil honge mai-KHane mein shaiKH-sahab

mere sath hazrat kahan ja rahe hain