hamein aaya agar kuchh zauq apni KHud-numai ka

hameñ aayā agar kuchh zauq apnī ḳhud-numā.ī kā

pukār uTThegā ḳhud hī naaz us kī kibriyā.ī kā

maza meñ dam bharā vāris kī sachchī āshnā.ī kā

ye kyā ma.alūm thā ham ko ki ġham hogā judā.ī kā

ḳhudā samjhe tujhe nāseh malāmat par malāmat kī

kiyā āḳhir ko tū ne faash parda pārsā.ī kā

tumhārī chashm-e-pur-fitna ke ye saare karishme haiñ

churā laa.e kisī kā dil maraz hai dilrubā.ī kā

falak ḳhud piir hai gardish satā.e aap hī us ko

usī se aah ko shikva hai apnī nā-rasā.ī kā

dikhā do jalva-e-vāris ki ham mushtāq marte haiñ

agar kuchh bhī tumheñ da.avā hai apnī ḳhud-numā.ī kā

kiyā karte haiñ kāfir aur momin vārsī sajda

'fidā' kis aañkh se dekheñ tamāsha hai ḳhudā.ī kā

hamein aaya agar kuchh zauq apni KHud-numai ka

pukar uTThega KHud hi naz us ki kibriyai ka

maza mein dam bhara waris ki sachchi aashnai ka

ye kya malum tha hum ko ki gham hoga judai ka

KHuda samjhe tujhe naseh malamat par malamat ki

kiya aaKHir ko tu ne fash parda parsai ka

tumhaari chashm-e-pur-fitna ke ye sare karishme hain

chura lae kisi ka dil maraz hai dilrubai ka

falak KHud pir hai gardish satae aap hi us ko

usi se aah ko shikwa hai apni na-rasai ka

dikha do jalwa-e-waris ki hum mushtaq marte hain

agar kuchh bhi tumhein dawa hai apni KHud-numai ka

kiya karte hain kafir aur momin warsi sajda

'fida' kis aankh se dekhen tamasha hai KHudai ka