lazzat-e-behoshiyon se aashna ho jae hosh

lazzat-e-behoshiyoñ se āshnā ho jaa.e hosh

hosh ko behoshiyoñ kā kaash kuchh aa jaa.e hosh

chāñd sā chehra hasīñ zulfeñ sitāre maañg meñ

sāmne baiThe raheñ vo aur sajtā jaa.e hosh

chupke-chupke muskurā kar dekhte haiñ vo mujhe

kyā ḳhabar un ko koī bīmār khotā jaa.e hosh

us kā andāz-e-karam pāgal banā.e hai mujhe

jab maiñ us ko dekhtā huuñ merā baḌhtā jaa.e hosh

har qadam par un kī qurbat kā mujhe ehsās ho

is adā se un kī jānib merā baḌhtā jaa.e hosh

'rāhī' us ke husn kī tārīf ho kis se bayāñ

jo bayāñ karne pe aa.e vo hī khotā jaa.e hosh

lazzat-e-behoshiyon se aashna ho jae hosh

hosh ko behoshiyon ka kash kuchh aa jae hosh

chand sa chehra hasin zulfen sitare mang mein

samne baiThe rahen wo aur sajta jae hosh

chupke-chupke muskura kar dekhte hain wo mujhe

kya KHabar un ko koi bimar khota jae hosh

us ka andaz-e-karam pagal banae hai mujhe

jab main us ko dekhta hun mera baDhta jae hosh

har qadam par un ki qurbat ka mujhe ehsas ho

is ada se un ki jaanib mera baDhta jae hosh

'rahi' us ke husn ki tarif ho kis se bayan

jo bayan karne pe aae wo hi khota jae hosh