لذت بےہوشیوں سے آشنا ہو جائے ہوش

لذت بےہوشیوں سے آشنا ہو جائے ہوش

ہوش کو بے ہوشیوں کا کاش کچھ آ جائے ہوش

چاند سا چہرہ حسیں زلفیں ستارے مانگ میں

سامنے بیٹھے رہیں وہ اور سجتا جائے ہوش

چپکے چپکے مسکرا کر دیکھتے ہیں وہ مجھے

کیا خبر ان کو کوئی بیمار کھوتا جائے ہوش

اس کا انداز کرم پاگل بنائے ہے مجھے

جب میں اس کو دیکھتا ہوں میرا بڑھتا جائے ہوش

ہر قدم پر ان کی قربت کا مجھے احساس ہو

اس ادا سے ان کی جانب میرا بڑھتا جائے ہوش

راہیؔ اس کے حسن کی تعریف ہو کس سے بیاں

جو بیاں کرنے پہ آئے وہ ہی کھوتا جائے ہوش