har taraf thi gunj teri qaul ki azkar mein

har taraf thī guuñj tirī qaul kī azkār meñ

ibtidā raushan huī thī sirf ik iz.hār meñ

jalva-e-haq meñ nazar hai haq pe parda hai bashar

ḳhaak bhī raqsāñ huī hai 'arsa-e-isrār meñ

tishnagī rahmat se gūñjī lab the ḳhāmoshī ke ghar

nuur kī lahreñ uThī thiiñ gosha-e-azkār meñ

harf-e-haq jo tū ne bolā kaañp uTThā har jigar

larzisheñ taqdīr kī bhī thiiñ tirī afkār meñ

qalb meñ gūñjī sadā.eñ lafz-e-ilhām-o-nazar

raushnī mahdūd na ho sirf ik mīnār meñ

qudsiyat ke jalvoñ ne jab raqs farmāyā miyāñ

tūr-e-hastī Dhah gayā bas ik tasavvur kaar meñ

naqsh aisā apnī tahrīroñ meñ 'amjad' chhoḌ de

sham' kī mānind ho tābish tire ash'ār meñ

har taraf thi gunj teri qaul ki azkar mein

ibtida raushan hui thi sirf ek izhaar mein

jalwa-e-haq mein nazar hai haq pe parda hai bashar

KHak bhi raqsan hui hai 'arsa-e-israr mein

tishnagi rahmat se gunji lab the KHamoshi ke ghar

nur ki lahren uThi thin gosha-e-azkar mein

harf-e-haq jo tu ne bola kanp uTTha har jigar

larzishen taqdir ki bhi thin teri afkar mein

qalb mein gunji sadaen lafz-e-ilham-o-nazar

raushni mahdud na ho sirf ek minar mein

qudsiyat ke jalwon ne jab raqs farmaya miyan

tur-e-hasti Dhah gaya bas ek tasawwur kar mein

naqsh aisa apni tahriron mein 'amjad' chhoD de

sham' ki manind ho tabish tere ash'ar mein