kya kHub tamasha hai meri KHush-nazari ka

kyā kHuub tamāsha hai mirī ḳhush-nazarī kā

ā.īna hairat hoñ tirī jalvagarī kā

madd-e-nazar āgahī-o-dīda-darī kā

simTā huā halqa hai mirī be-ḳhabarī kā

parda ruḳh-e-raushan se uThātā vo kahāñ hai

dhokā koī khātā hī nahīñ be-basarī kā

manzil muta'ayyan nahīñ be-rāh-raon kī

mushkil hai salīqa bhī yahāñ rāhbarī kā

simTe hue ġhunche haiñ pareshān hai ḳhushbū

phailā huā dāman hai nasīm-e-saharī kā

dāman kā pata hai na garebāñ kī ḳhabar hai

mausam abhī aayā bhī nahīñ jaama darī kā

pahle bhī sar ḳham thī 'hasan' ḳhisht-e-kalīsā

ab ḳhāna-bar-andāz hai husn-e-america

kya kHub tamasha hai meri KHush-nazari ka

aaina hairat hon teri jalwagari ka

madd-e-nazar aagahi-o-dida-dari ka

simTa hua halqa hai meri be-KHabari ka

parda ruKH-e-raushan se uThata wo kahan hai

dhoka koi khata hi nahin be-basari ka

manzil muta'ayyan nahin be-rah-raon ki

mushkil hai saliqa bhi yahan rahbari ka

simTe hue ghunche hain pareshan hai KHushbu

phaila hua daman hai nasim-e-sahari ka

daman ka pata hai na gareban ki KHabar hai

mausam abhi aaya bhi nahin jama dari ka

pahle bhi sar KHam thi 'hasan' KHisht-e-kalisa

ab KHana-bar-andaz hai husn-e-america