phir matam-e-bahaar ka saman kiye hue

phir mātam-e-bahār kā sāmāñ kiye hue

shāḳhoñ pe gul haiñ chāk-e-garebāñ kiye hue

phir le chalā hai soz-e-darūñ sū-e-lāla-zār

pahlū meñ dāġh-e-dil se charāġhāñ kiye hue

phir murda ārzuoñ pe hasrat hai nauha-ḳhvāñ

siine meñ dil ko gor-e-ġharībāñ kiye hue

āñkhoñ ko phir hai hasrat-e-nazāra-e-jamāl

dil ik nigāh-e-nāz pe qurbāñ kiye hue

phir aake mere ḳhāna-e-dil meñ kisī kī yaad

ābād ghar ko jaatī hai vīrāñ kiye hue

phir dair ko chalā huuñ paye-sajda-e-niyāz

ruḳh suu.ye qibla dar-e-jānāñ kiye hue

bikhrā.e zulfeñ phir koī aayā hai ḳhvāb meñ

shīrāza-e-ḳhayāl pareshāñ kiye hue

phir DhūñDtī hai kho.e hue hosh be-ḳhudī

āñkhoñ ko mast shā.er-e-irfāñ kiye hue

ai chāra-gar hai phir mujhe zauq-e-jafā pe naaz

zaḳhmoñ ko be-niyāz namak-dāñ kiye hue

phir pursish gunāh se be-ġham haiñ hashr meñ

dīvāne tere chāk-garebāñ kiye hue

majbūr zabt-e-ishq hai phir chashm-e-tar 'shafaq'

kuuze meñ band nuuh kā tūfāñ kiye hue

phir matam-e-bahaar ka saman kiye hue

shaKHon pe gul hain chaak-e-gareban kiye hue

phir le chala hai soz-e-darun su-e-lala-zar

pahlu mein dagh-e-dil se charaghan kiye hue

phir murda aarzuon pe hasrat hai nauha-KHwan

sine mein dil ko gor-e-ghariban kiye hue

aankhon ko phir hai hasrat-e-nazara-e-jamal

dil ek nigah-e-naz pe qurban kiye hue

phir aake mere KHana-e-dil mein kisi ki yaad

aabaad ghar ko jati hai viran kiye hue

phir dair ko chala hun paye-sajda-e-niyaz

ruKH suye qibla dar-e-jaanan kiye hue

bikhrae zulfen phir koi aaya hai KHwab mein

shiraaza-e-KHayal pareshan kiye hue

phir DhunDti hai khoe hue hosh be-KHudi

aankhon ko mast shaer-e-irfan kiye hue

ai chaara-gar hai phir mujhe zauq-e-jafa pe naz

zaKHmon ko be-niyaz namak-dan kiye hue

phir pursish gunah se be-gham hain hashr mein

diwane tere chaak-gareban kiye hue

majbur zabt-e-ishq hai phir chashm-e-tar 'shafaq'

kuze mein band nuh ka tufan kiye hue