ek aisi bhi tajalli is dil-e-muztar mein hai

ek aisī bhī tajallī is dil-e-muztar meñ hai

mehr jis se maah raushan aur chamak aḳhtar meñ hai

isliye bhī lāzim-o-malzūm hai ye sañg-o-sar

kuchh mere sar meñ hai saudā aur kuchh patthar meñ hai

haath dho baiThe haiñ apne diiñ se shaiḳh-o-barhaman

jaane kyā e.ajāz us chashm-e-parī-paikar meñ hai

mahv-ash-e-arz-o-samāñ meñ aaj tak mahbūs huuñ

aaj tak merī sadā us gumbad-e-be-dar meñ hai

ye sabhī faizān chashm-e-mast kā hai zāhido

jo subū meñ hai jo paimānoñ meñ hai sāgar meñ hai

ḳhaak van meñ chhāntā hai jis ko kahte the 'hasan'

kah diyā kisne ke vo dīvāna apne ghar meñ hai

ek aisi bhi tajalli is dil-e-muztar mein hai

mehr jis se mah raushan aur chamak aKHtar mein hai

isliye bhi lazim-o-malzum hai ye sang-o-sar

kuchh mere sar mein hai sauda aur kuchh patthar mein hai

hath dho baiThe hain apne din se shaiKH-o-barhaman

jaane kya eajaz us chashm-e-pari-paikar mein hai

mahw-ash-e-arz-o-saman mein aaj tak mahbus hun

aaj tak meri sada us gumbad-e-be-dar mein hai

ye sabhi faizan chashm-e-mast ka hai zahido

jo subu mein hai jo paimanon mein hai sagar mein hai

KHak wan mein chhanta hai jis ko kahte the 'hasan'

kah diya kisne ke wo diwana apne ghar mein hai