aur to kuchh bhi nahin mere junun ka bais

aur to kuchh bhī nahīñ mere junūñ kā baa.is

bas vahī kun jo banā thā fayakūñ kā baa.is

qadġhaneñ mere savāloñ pe lagāne vaale

DhūñDte kyuuñ nahīñ kaise kā vo kyuuñ kā baa.is

ham ne vo vaqt bhī kaaTā hai ke jis vaqt meñ log

ḳhud-kushī ko hī samajhte haiñ sakūñ kā baa.is

saaz dil par tirī yādoñ ne jo chheḌā dīpak

ban gayā raag yahi soz-e-darūñ kā baa.is

ik gavāhī kisī mazlūm ke haq meñ dī thī

ban na jaa.e vo gavāhī mere ḳhuuñ kā baa.is

aur to kuchh bhi nahin mere junun ka bais

bas wahi kun jo bana tha fayakun ka bais

qadghanen mere sawalon pe lagane wale

DhunDte kyun nahin kaise ka wo kyun ka bais

hum ne wo waqt bhi kaTa hai ke jis waqt mein log

KHud-kushi ko hi samajhte hain sakun ka bais

saz dil par teri yaadon ne jo chheDa dipak

ban gaya rag yahi soz-e-darun ka bais

ek gawahi kisi mazlum ke haq mein di thi

ban na jae wo gawahi mere KHun ka bais