aTki hui hai koi nazar aasman par

aTkī huī hai koī nazar āsmān par

ai shab zarā-sī der Thahar āsmān par

jī chāhtā thā dekh luuñ terī zamīn bhī

varna to 'ālī-shān thā ghar āsmān par

ham ne taḳhaiyyulāt se apne liyā ye kaam

ham ne banā.ī rāh-e-guzar āsmān par

hablil-varīd kah ke patā jis ne de diyā

DhūñDoge aur us ko kidhar āsmān par

ahl-e-zamīñ kī aañkh se kaise chhupegā vo

dikhlā.egā jo apnā hunar āsmān par

taḳhlīq-e-ādmī se le ke aaj tak 'jamāl'

phailā hai ik 'ajīb hī Dar āsmān par

aTki hui hai koi nazar aasman par

ai shab zara-si der Thahar aasman par

ji chahta tha dekh lun teri zamin bhi

warna to 'ali-shan tha ghar aasman par

hum ne taKHaiyyulat se apne liya ye kaam

hum ne banai rah-e-guzar aasman par

hablil-warid kah ke pata jis ne de diya

DhunDoge aur us ko kidhar aasman par

ahl-e-zamin ki aankh se kaise chhupega wo

dikhlaega jo apna hunar aasman par

taKHliq-e-admi se le ke aaj tak 'jamal'

phaila hai ek 'ajib hi Dar aasman par