sabhi jis ke pujari hain hama-tan ek patthar hai

sabhī jis ke pujārī haiñ hama-tan ek patthar hai

kahīñ vo sañg-e-asvad hai kahīñ mandir meñ Thākur hai

vahī raaja kī maalā hai vahī raanī kā zevar hai

usī patthar kī masjid hai usī patthar kā mandir hai

kahīñ vo sañg-e-asvad hai kahīñ vo sañg-e-marmar hai

kahīñ vo sūrat-e-āhan kisī kisvat meñ vo zar hai

faqat hai hastī-e-vāhid sivā jis kā nahīñ koī

vahī momin kā allāh hai vahī hindu kā īshvar hai

haqīqat ek hai har aan meñ har shaan meñ zāhir

'hasīñ' hai sab hasīnoñ kā vo bahr-e-husn har ghar hai

sabhi jis ke pujari hain hama-tan ek patthar hai

kahin wo sang-e-aswad hai kahin mandir mein Thakur hai

wahi raja ki mala hai wahi rani ka zewar hai

usi patthar ki masjid hai usi patthar ka mandir hai

kahin wo sang-e-aswad hai kahin wo sang-e-marmar hai

kahin wo surat-e-ahan kisi kiswat mein wo zar hai

faqat hai hasti-e-wahid siwa jis ka nahin koi

wahi momin ka allah hai wahi hindu ka ishwar hai

haqiqat ek hai har aan mein har shan mein zahir

'hasin' hai sab hasinon ka wo bahr-e-husn har ghar hai