سبھی جس کے پجاری ہیں ہمہ تن ایک پتھر ہے

سبھی جس کے پجاری ہیں ہمہ تن ایک پتھر ہے

کہیں وہ سنگ اسود ہے کہیں مندر میں ٹھاکر ہے

وہی راجہ کی مالا ہے وہی رانی کا زیور ہے

اسی پتھر کی مسجد ہے اسی پتھر کا مندر ہے

کہیں وہ سنگ اسود ہے کہیں وہ سنگ مرمر ہے

کہیں وہ صورت آہن کسی کسوت میں وہ زر ہے

فقط ہے ہستی واحد سوا جس کا نہیں کوئی

وہی مومن کا اللہ ہے وہی ہندو کا ایشور ہے

حقیقت ایک ہے ہر آن میں ہر شان میں ظاہر

حسیںؔ ہے سب حسینوں کا وہ بحر حسن ہر گھر ہے