kya karun kis se kahun dil hath se jata raha

kyā karūñ kis se kahūñ dil haath se jaatā rahā

sū-ba-sū DhūñDā phirā lekin na kuchh paatā rahā

masjid-o-mandir kalīsā kī bhī chhānā ḳhaak ko

har kujā DhūñDā na paayā bahut ghabrātā rahā

qurra-e-fāl munajjim meñ kitāboñ meñ kahāñ

ism-e-kHvānī varaq-gardānī meñ jhuñjhlātā rahā

kar diyā tash.hīr notice 'ishq ne rusvā kiyā

'arsh in gustāḳhiyoñ se bas ki laraztā rahā

nayyar-e-ā’zam tahayyur meñ huā pesh-e-ḳhudā

yak bashar ahl-e-zamīñ be-chain ġham khātā rahā

shoḳh hai gustāḳh hai vallāhu-'ālam-bissavāb

na farishtoñ ko ḳhabar hai kyuuñ ye chalātā rahā

ḳhair-maqdam kHush-kHirām-e-kHud hue jalva-numā

maiñ huā qurbān vo naġhma-e-anā gaatā rahā

muskurā kar naaz se duzdī nazar dekhā mujhe

maiñ huā un meñ fanā bas vo nazar aatā rahā

maiñ huā us meñ fanā vo mujh meñ jalva-gar huā

ho ke ḳhud husn 'hasīñ' dīdār dikhlātā rahā

kya karun kis se kahun dil hath se jata raha

su-ba-su DhunDa phira lekin na kuchh pata raha

masjid-o-mandir kalisa ki bhi chhana KHak ko

har kuja DhunDa na paya bahut ghabraata raha

qurra-e-fal munajjim mein kitabon mein kahan

ism-e-kHwani waraq-gardani mein jhunjhlata raha

kar diya tashhir notice 'ishq ne ruswa kiya

'arsh in gustaKHiyon se bas ki larazta raha

nayyar-e-a’zam tahayyur mein hua pesh-e-KHuda

yak bashar ahl-e-zamin be-chain gham khata raha

shoKH hai gustaKH hai wallahu-'alam-bissawab

na farishton ko KHabar hai kyun ye chalata raha

KHair-maqdam kHush-kHiram-e-kHud hue jalwa-numa

main hua qurban wo naghma-e-ana gata raha

muskura kar naz se duzdi nazar dekha mujhe

main hua un mein fana bas wo nazar aata raha

main hua us mein fana wo mujh mein jalwa-gar hua

ho ke KHud husn 'hasin' didar dikhlata raha