kahe mabud KHud apni zaban se jis ko la-sani

kahe mā'būd ḳhud apnī zabāñ se jis ko lā-sānī

bhalā phir abad se kyā ho sake us kī sanā-ḳhvānī

qur.āñ hai saath un ke aur vo haiñ saath qur.āñ ke

sar-e-nok-e-sināñ jis ne paḌheñ āyāt qur.ānī

na dekhūñ aañkh uThā kar bhī kabhī taḳht-e-sulaimāñ ko

agar hāsil mujhe ho jaa.e tere dar kī darbānī

dukān-e-husn-e-yūsuf misr ke bāzār hī tak thī

munavvar nūr-e-ahmad se huā kul 'ālam-e-fānī

misāl-e-nūh-e-hashmat āl-e-ahmad kā safīna hai

mile jā jis ko us meñ kyā use kHauf-o-pareshānī

kahe ma'bud KHud apni zaban se jis ko la-sani

bhala phir abad se kya ho sake us ki sana-KHwani

quran hai sath un ke aur wo hain sath quran ke

sar-e-nok-e-sinan jis ne paDhen aayat qurani

na dekhun aankh uTha kar bhi kabhi taKHt-e-sulaiman ko

agar hasil mujhe ho jae tere dar ki darbani

dukan-e-husn-e-yusuf misr ke bazar hi tak thi

munawwar nur-e-ahmad se hua kul 'alam-e-fani

misal-e-nuh-e-hashmat aal-e-ahmad ka safina hai

mile ja jis ko us mein kya use kHauf-o-pareshani