Sufinama

nazar phir na ki us pe dil jis ka chhina

Hasrat Mohani

nazar phir na ki us pe dil jis ka chhina

Hasrat Mohani

MORE BYHasrat Mohani

    nazar phir na us pe dil jis chhīnā

    mohabbat ye bhī hai koī qarīnā

    vo kyā qadr jāneñ dil-e-āshiqāñ

    na aalim na fāzil na daanā na biinā

    ye kyā kufr-e-ne.amat hai ai shaiḳh āḳhir

    ki barsāt meñ bhī pilānā na piinā

    vahīñ se ye aañsū ravāñ haiñ jo dil meñ

    tamannā poshīda hai ik ḳhazīna

    bahā deñ vahāñ ḳhuun apnā jahāñ ham

    tire husn girte dekheñ pasīnā

    ye kyā qahr hai ham pe yā-rab ki be-mai

    guzar jaaye sāvan yūñhī mahīna

    bahār aa.ī sab shādmāñ haiñ magar ham

    ye din kaise kāTeñge be-jām-o-mīnā

    judā jab ki haiñ tujh se ai rāhat-e-jāñ

    hamārā barābar hai jiinā na jiinā

    miTe aib sab ishq-bāzī meñ 'hasrat'

    na buġhz-o-hasad hai na ġhussa na kiina

    nazar phir na ki us pe dil jis ka chhina

    mohabbat ka ye bhi hai koi qarina

    wo kya qadr jaanen dil-e-ashiqan ki

    na aalim na fazil na dana na bina

    ye kya kufr-e-neamat hai ai shaiKH aaKHir

    ki barsat mein bhi pilana na pina

    wahin se ye aansu rawan hain jo dil mein

    tamanna ka poshida hai ek KHazina

    baha den wahan KHun apna jahan hum

    tere husn ka girte dekhen pasina

    ye kya qahr hai hum pe ya-rab ki be-mai

    guzar jaye sawan ka yunhi mahina

    bahaar aai sab shadman hain magar hum

    ye din kaise kaTenge be-jam-o-mina

    juda jab ki hain tujh se ai rahat-e-jaan

    hamara barabar hai jina na jina

    miTe aib sab ishq-bazi mein 'hasrat'

    na bughz-o-hasad hai na ghussa na kina

    Source :
    • Book : Kulliyat-e-Hasrat Mohani (Pg. 233)
    • Author : Hasrat Mohani
    • Publication : Maktaba Isha.at Urdu, Delhi (1959)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now