roz-o-shab roya kae sham-o-sahar roya kae

roz-o-shab royā ka.e shām-o-sahar royā ka.e

rone vaale tere tujh ko umr-bhar royā ka.e

be-vafā.ī sab se kar ke tū ne dī dād-e-vafā

terī is himmat pe tere nauhagar royā ka.e

ḳhām-kārī meñ bhī terī vaz.a-dārī kā thā rañg

ya.anī ham us se bhī kar ke darguzar royā ka.e

kuchh ḳhabar hai tujh ko ai āsūda-e-ḳhvāb-e-lahad

shab jo terī yaad meñ ham tā-sahar royā ka.e

tere jīte-jī na jaanī qadr terī ai aziiz

apnī is taqsīr par ham kis qadar royā ka.e

jān-e-maḳhzūñ va Dil-e-pur-ġham kī hālat kyā kahūñ

yaad kuchh kar kar ke jo bāham digar royā ka.e

'barq' ke marne kā 'hasrat' vāqi.a aisā nahīñ

kuchh na ro.e aah agar ham umr-bhar royā ka.e

roz-o-shab roya kae sham-o-sahar roya kae

rone wale tere tujh ko umr-bhar roya kae

be-wafai sab se kar ke tu ne di dad-e-wafa

teri is himmat pe tere nauhagar roya kae

KHam-kari mein bhi teri waza-dari ka tha rang

yani hum us se bhi kar ke darguzar roya kae

kuchh KHabar hai tujh ko ai aasuda-e-KHwab-e-lahad

shab jo teri yaad mein hum ta-sahar roya kae

tere jite-ji na jaani qadr teri ai aziz

apni is taqsir par hum kis qadar roya kae

jaan-e-maKHzun wa Dil-e-pur-gham ki haalat kya kahun

yaad kuchh kar kar ke jo baham digar roya kae

'barq' ke marne ka 'hasrat' waqia aisa nahin

kuchh na roe aah agar hum umr-bhar roya kae