hawa muafiq nahin bagh-e-jinan ki

havā muvāfiq nahīñ bāġh-e-jināñ kī

ḳhabar lā de koī kū-e-butāñ kī

sahar se dil nahīñ Thahrā hai merā

havā aa.ī thī kyā kahiye kahāñ kī

qayāmat aa ga.ī ai bekasī kyā

safar meñ yaad aur kū-e-butāñ kī

vo duzdīda-nazar vo mehr-e-maḳhfī

sitam hai yaad ishq-e-nāgahāñ kī

vo ro.eñ vaqt-e-ruḳhsat ab hameñ kyā

rasā.ī-hāye āh-e-nā-tavāñ kī

tire kūche kī ho jaaye to achchhā

ḳhudā jaane ye miTTī hai kahāñ kī

na pūchheñ aap hāl-e-marg-e-'maikash'

ajab hālat huī is naujavāñ kī

hawa muwafiq nahin bagh-e-jinan ki

KHabar la de koi ku-e-butan ki

sahar se dil nahin Thahra hai mera

hawa aai thi kya kahiye kahan ki

qayamat aa gai ai bekasi kya

safar mein yaad aur ku-e-butan ki

wo duzdida-nazar wo mehr-e-maKHfi

sitam hai yaad ishq-e-nagahan ki

wo roen waqt-e-ruKHsat ab hamein kya

rasai-haye aah-e-na-tawan ki

tere kuche ki ho jaye to achchha

KHuda jaane ye miTTi hai kahan ki

na puchhen aap haal-e-marg-e-'maikash'

ajab haalat hui is naujawan ki