hijab kis ka hai aaKHir dulhan banae hue

hijāb kis kā hai āḳhir dulhan banā.e hue

hai bū jo ġhunchoñ kī ghuñghaT meñ muñh chhupā.e hue

kaaro na jauhar-e-zātī ko 'arsh' zāhir tum

zamīñ apne ḳhazānoñ ko hai chhupā.e hue

vo log manzil-e-pīrī meñ haiñ jo aa.e hue

ḳhayāl-e-qabr meñ baiThe haiñ sar jhukā.e hue

janāb-e-'arsh' ko kis mast-e-nāz kā hai ḳhayāl

ki aaj jhuum rahe haiñ vo sar jhukā.e hue

firāq meñ haiñ ham andāz dil kā paa.e hue

ye vo charāġh hai jaltā hai be-jalā.e hue

agar ho soz to ai arsh dil ko raushan kar

charāġh jal nahīñ saktā hai be-jalā.e hue

hijab kis ka hai aaKHir dulhan banae hue

hai bu jo ghunchon ki ghunghaT mein munh chhupae hue

karo na jauhar-e-zati ko 'arsh' zahir tum

zamin apne KHazanon ko hai chhupae hue

wo log manzil-e-piri mein hain jo aae hue

KHayal-e-qabr mein baiThe hain sar jhukae hue

janab-e-'arsh' ko kis mast-e-naz ka hai KHayal

ki aaj jhum rahe hain wo sar jhukae hue

firaq mein hain hum andaz dil ka pae hue

ye wo charagh hai jalta hai be-jalae hue

agar ho soz to ai arsh dil ko raushan kar

charagh jal nahin sakta hai be-jalae hue