ḳhushī mahsūs kartā huñ na ġham mahsūs kartā huñ

ḳhushī mahsūs kartā huuñ na ġham mahsūs kartā huuñ

magar haañ dil meñ kuchh kuchh zer-o-bam mahsūs kartā huuñ

mohabbat kī ye nairañgī bhī duniyā se nirālī hai

alam koī nahīñ lekin alam mahsūs kartā huuñ

mirī nazroñ meñ ab baaqī nahīñ hai zauq-e-kufr-o-dīñ

maiñ ik markaz pe ab dair-o-haram mahsūs kartā huuñ

jo lutf-e-zindagānī mil rahā thā ghaTtā jaatā hai

ḳhalish jo dil meñ rahtī thī vo kam mahsūs kartā huuñ

tumhāre zikr par kab munhasir hai dil kī betābī

kisī kā zikr ho maiñ chashm-e-nam mahsūs kartā huuñ

kabhī paatā huuñ dil meñ ek hashr-e-dard-e-betābī

kabhī maiñ apne dil meñ dard-o-ġham mahsūs kartā huuñ

zabāñ par merī shikva aa nahīñ saktā zamāne kā

ki har aalam ko maiñ un kā karam mahsūs kartā huuñ

ye dil meñ hai jo ghabrāhaT ye āñkhoñ meñ hai jo aañsū

is ehsāñ ko bhī bālā-e-karam mahsūs kartā huuñ

ḳhushī kī mujh ko ab bahzād kuchh hājat nahīñ baaqī

ki ġham ko bhī maiñ ab un kā karam mahsūs kartā huuñ

ḳhushī mahsūs kartā huñ na ġham mahsūs kartā huñ

magar hañ dil meñ kuchh kuchh zer-o-bam mahsūs kartā huñ

mohabbat kī ye nairañgī bhī duniyā se nirālī hai

alam koī nahīñ lekin alam mahsūs kartā huñ

mirī nazroñ meñ ab baqī nahīñ hai zauq-e-kufr-o-dīñ

maiñ ek markaz pe ab dair-o-haram mahsūs kartā huñ

jo lutf-e-zindagānī mil rahā thā ghaTtā jatā hai

ḳhalish jo dil meñ rahtī thī wo kam mahsūs kartā huñ

tumhāre zikr par kab munhasir hai dil kī betābī

kisī kā zikr ho maiñ chashm-e-nam mahsūs kartā huñ

kabhī patā huñ dil meñ ek hashr-e-dard-e-betābī

kabhī maiñ apne dil meñ dard-o-ġham mahsūs kartā huñ

zabāñ par merī shikwa aa nahīñ saktā zamāne kā

ki har aalam ko maiñ un kā karam mahsūs kartā huñ

ye dil meñ hai jo ghabrāhaT ye āñkhoñ meñ hai jo aañsū

is ehsāñ ko bhī bālā-e-karam mahsūs kartā huñ

ḳhushī kī mujh ko ab bahzād kuchh hājat nahīñ baqī

ki ġham ko bhī maiñ ab un kā karam mahsūs kartā huñ