husn shaida hai kisi ke aariz-e-pur-nur par

husn shaidā hai kisī ke āriz-e-pur-nūr par

kyuuñ na phir sadqe hoñ pariyāñ aise rashk-e-hūr par

kyā nazar kī ho rasā.ī qudsiyān-e-āsmāñ

hai jhuke parvāna saañ sham.a-e-ruḳh-e-pur-nūr par

allāh allāh ā.īna vo dekh kar farmāte haiñ

zulf-e-āriz par nahīñ hai mushk hai kāfūr par

vaah ai barq-e-tajallī mujh se ye dāman-kashī

hosh-e-mūsā ko jalāyā tū ne koh-e-tūr par

zaḳhm-e-ḳhandāñ shukr meñ masrūf hai ai chāragar

jab se phāhā tū ne rakhā siina ke nāsūr par

vo ruḳh-e-raushan hai sham.a tūr-qad hai naḳhl-e-tūr

nuur ke do qumqume tābāñ haiñ naḳhl-e-tūr par

us ke kūcha-gard kyā samjheñ zar-o-daulat ko maal

ta.ana-zan adnā gadā hai qaisar-o-faġhfūr par

fānī-e-haq kā anā kyā thā anā fir.aun kā

daar kī ta.azīr kyuuñ vājib huī mansūr par

zohd-e-sad-sāla huā hai jab na ho tā.īd-e-haq

Daalo ibrat kī nazar tum bal.am-e-bā.ūr par

kushtagān-e-shauq 'ājiz' gosh-bar-āvāz haiñ

vāda-e-dīdār Thahrā hai jo shor-e-sūr par

husn shaida hai kisi ke aariz-e-pur-nur par

kyun na phir sadqe hon pariyan aise rashk-e-hur par

kya nazar ki ho rasai qudsiyan-e-asman

hai jhuke parwana san shama-e-ruKH-e-pur-nur par

allah allah aaina wo dekh kar farmate hain

zulf-e-ariz par nahin hai mushk hai kafur par

wah ai barq-e-tajalli mujh se ye daman-kashi

hosh-e-musa ko jalaya tu ne koh-e-tur par

zaKHm-e-KHandan shukr mein masruf hai ai chaaragar

jab se phaha tu ne rakha sina ke nasur par

wo ruKH-e-raushan hai shama tur-qad hai naKHl-e-tur

nur ke do qumqume taban hain naKHl-e-tur par

us ke kucha-gard kya samjhen zar-o-daulat ko mal

tana-zan adna gada hai qaisar-o-faghfur par

fani-e-haq ka ana kya tha ana firaun ka

dar ki tazir kyun wajib hui mansur par

zohd-e-sad-sala hua hai jab na ho taid-e-haq

Dalo ibrat ki nazar tum balam-e-baur par

kushtagan-e-shauq 'ajiz' gosh-bar-awaz hain

wada-e-didar Thahra hai jo shor-e-sur par