aap ki chashm-e-karam ka jab ishaara ho gaya

aap kī chashm-e-karam kā jab ishārā ho gayā

ġham jo mere dil meñ thā vo no do gyārah ho gayā

āḳhirash kis ne ye ulTī apne chehre se naqāb

zarā nā-ḳhūb bhī dilkash nazāra ho gayā

inqalāb-e-nau kahoge us ko yā qismat kā khel

kal talak jo thā hamārā vo tumhārā ho gayā

yuuñ dil-e-nāzuk ko mere tum ne pahuñchā.ī hai Thes

ek shīshe kī tarah vo pāra-pāra ho gayā

jān-e-jāñ itnā huā terī judā.ī kā asar

ek ik aañsū mirī āñkhoñ kā taara ho gayā

mujh ko ġham is baat kā hai vo kisī kā bhī nahīñ

mujh ko ġham is kā nahīñ ki vo tumhārā ho gayā

aap ki chashm-e-karam ka jab ishaara ho gaya

gham jo mere dil mein tha wo no do gyarah ho gaya

aaKHirash kis ne ye ulTi apne chehre se naqab

zara na-KHub bhi dilkash nazara ho gaya

inqalab-e-nau kahoge us ko ya qismat ka khel

kal talak jo tha hamara wo tumhaara ho gaya

yun dil-e-nazuk ko mere tum ne pahunchai hai Thes

ek shishe ki tarah wo para-para ho gaya

jaan-e-jaan itna hua teri judai ka asar

ek ek aansu meri aankhon ka tara ho gaya

mujh ko gham is baat ka hai wo kisi ka bhi nahin

mujh ko gham is ka nahin ki wo tumhaara ho gaya