idhar dekh lena udhar dekh lena

idhar dekh lenā udhar dekh lenā

phir un kā mujhe ik nazar dekh lenā

dikhā.eñgī aaheñ asar dekh lenā

vo ā.eñge thāme jigar dekh lenā

unheñ ik nazar chashm-e-tar dekh lenā

rulā.egā ḳhuuñ 'umr-bhar dekh lenā

in aahoñ kā merī asar dekh lenā

do-'ālam ko zer-o-zabar dekh lenā

ġhazab hai ġhazab hai are uf ġhazab hai

tirā muskurā kar idhar dekh lenā

bapā dil meñ karatā hai ik hashr-e-armāñ

adā se tirā ik nazar dekh lenā

ye kar de na 'majzūb' mahrūm-e-sajda

unheñ chār-sū jalva-gar dekh lenā

idhar dekh lena udhar dekh lena

phir un ka mujhe ek nazar dekh lena

dikhaengi aahen asar dekh lena

wo aaenge thame jigar dekh lena

unhen ek nazar chashm-e-tar dekh lena

rulaega KHun 'umr-bhar dekh lena

in aahon ka meri asar dekh lena

do-'alam ko zer-o-zabar dekh lena

ghazab hai ghazab hai are uf ghazab hai

tera muskura kar idhar dekh lena

bapa dil mein karata hai ek hashr-e-arman

ada se tera ek nazar dekh lena

ye kar de na 'majzub' mahrum-e-sajda

unhen chaar-su jalwa-gar dekh lena