ek be-wafā ko pyar kiyā hae kyā kiyā

ik be-vafā ko pyaar kiyā haa.e kyā kiyā

ḳhud dil ko be-qarār kiyā haa.e kyā kiyā

mālūm thā ki ahd-e-vafā un kā jhuuT hai

is par bhī e'tibār kiyā haa.e kyā kiyā

vo dil ki jis pe qīmat-e-kaunain thī nisār

nazr-e-nigāh-e-yār kiyā haa.e kyā kiyā

ḳhud ham ne faash faash kiyā rāz-e-āshiqī

dāman ko taar taar kiyā haa.e kyā kiyā

aaheñ bhī baar baar bharīñ un ke hijr meñ

naala bhī baar baar kiyā haa.e kyā kiyā

miTne kā ġham nahīñ hai bas itnā malāl hī

kyuuñ terā intizār kiyā haa.e kyā kiyā

ham ne to ġham ko siine se apne lagā liyā

ġham ne hameñ shikār kiyā haa.e kyā kiyā

sayyād kī razā ye ham aañsū na pī sake

uzr-e-ġham-bahār kiyā haa.e kyā kiyā

qismat ne aah ham ko ye din bhī dikhā diye

qismat pe e'tibār kiyā haa.e kyā kiyā

rañgīnī-e-ḳhayāl se kuchh bhī na bach sakā

har shai ko pur-bahār kiyā haa.e kyā kiyā

dil ne bhulā bhulā ke tirī bevafā.iyāñ

phir ahd ustuvār kiyā haa.e kyā kiyā

un ke sitam bhī sah ke na un se kiyā gila

kyuuñ jabr iḳhtiyār kiyā haa.e kyā kiyā

kāfir kī chashm-e-nāz pe kyā dil-jigar kā zikr

īmān tak nisār kiyā haa.e kyā kiyā

kaalī ghaTā ke uThte hī tauba na rah sakī

tauba pe e'tibār kiyā haa.e kyā kiyā

shām-e-firāq qalb ke dāġhoñ ko gin liyā

tāroñ ko bhī shumār kiyā haa.e kyā kiyā

'bahzād' kī na qadar koī tum ko ho sakī

tum ne zalīl-o-ḳhvār kyā haa.e kyā kiyā

ek be-wafā ko pyar kiyā hae kyā kiyā

ḳhud dil ko be-qarār kiyā hae kyā kiyā

mālūm thā ki ahd-e-wafā un kā jhuT hai

is par bhī e'tibār kiyā hae kyā kiyā

wo dil ki jis pe qīmat-e-kaunain thī nisār

nazr-e-nigāh-e-yār kiyā hae kyā kiyā

ḳhud hum ne fash fash kiyā rāz-e-āshiqī

dāman ko tar tar kiyā hae kyā kiyā

aaheñ bhī bar bar bharīñ un ke hijr meñ

nala bhī bar bar kiyā hae kyā kiyā

miTne kā ġham nahīñ hai bas itnā malāl hī

kyuñ terā intizār kiyā hae kyā kiyā

hum ne to ġham ko sine se apne lagā liyā

ġham ne hameñ shikār kiyā hae kyā kiyā

sayyād kī razā ye hum aañsū na pī sake

uzr-e-ġham-bahār kiyā hae kyā kiyā

qismat ne aah hum ko ye din bhī dikhā diye

qismat pe e'tibār kiyā hae kyā kiyā

rañgīnī-e-ḳhayāl se kuchh bhī na bach sakā

har shai ko pur-bahār kiyā hae kyā kiyā

dil ne bhulā bhulā ke tirī bewafāiyāñ

phir ahd ustuwār kiyā hae kyā kiyā

un ke sitam bhī sah ke na un se kiyā gila

kyuñ jabr iḳhtiyār kiyā hae kyā kiyā

kāfir kī chashm-e-nāz pe kyā dil-jigar kā zikr

īmān tak nisār kiyā hae kyā kiyā

kalī ghaTā ke uThte hī tauba na rah sakī

tauba pe e'tibār kiyā hae kyā kiyā

shām-e-firāq qalb ke dāġhoñ ko gin liyā

tāroñ ko bhī shumār kiyā hae kyā kiyā

'bahzād' kī na qadar koī tum ko ho sakī

tum ne zalīl-o-ḳhwār kyā hae kyā kiyā