KHalq mein jalwa-kunan main hi to hun

ḳhalq meñ jalva-kunāñ maiñ hī to huuñ

sab kī āñkhoñ se nihāñ maiñ hī to huuñ

qais kī tasvīr huuñ lailā kī shakl

har kisī kā rāz-dāñ maiñ hī to huuñ

bhūle-bhaTkoñ kā banā huuñ rahnumā

naqsh-pā-e-kārvāñ maiñ hī to huuñ

jo anā kā shor thā mansūr meñ

haq ye hai us kī zabāñ maiñ hī to huuñ

dekhtā huuñ aap maiñ apnā jamāl

maujid-e-kaun-o-makāñ maiñ hī to huuñ

sab maiñ huuñ aur sab se rahtā huuñ judā

bā-nishāñ-o-be-nishāñ maiñ hī to huuñ

kaun hai āgāh mere haal se

'vāqif'-e-rāz-e-nihāñ maiñ hī to huuñ

KHalq mein jalwa-kunan main hi to hun

sab ki aankhon se nihan main hi to hun

qais ki taswir hun laila ki shakl

har kisi ka raaz-dan main hi to hun

bhule-bhaTkon ka bana hun rahnuma

naqsh-pa-e-karwan main hi to hun

jo ana ka shor tha mansur mein

haq ye hai us ki zaban main hi to hun

dekhta hun aap main apna jamal

maujid-e-kaun-o-makan main hi to hun

sab main hun aur sab se rahta hun juda

ba-nishan-o-be-nishan main hi to hun

kaun hai aagah mere haal se

'waqif'-e-raaz-e-nihan main hi to hun