aashiq ki jaan garche gai iztirab mein

'āshiq kī jaan garche ga.ī iztirāb meñ

dāḳhil hue to aap bhalā is savāb meñ

kho.e qadīm apnī na chhoḌā hanūz aap

ġhairat se Duub mare na Dhaknī bhar aab meñ

'ādat ko apnī chhoḌ do achchhī nahīñ ye tarz

jab ham ko dekhā muñh ko chhupāyā naqāb meñ

ifshā-e-rāz tā na ho parda zarūr hai

sharmāo mat ki parda-darī hai hijāb meñ

nisbat nahīñ ’aqīq ko dandān-e-yār se

jauhar meñ yā safā.ī meñ āb-o-tāb meñ

'ashiq ki jaan garche gai iztirab mein

daKHil hue to aap bhala is sawab mein

khoe qadim apni na chhoDa hanuz aap

ghairat se Dub mare na Dhakni bhar aab mein

'adat ko apni chhoD do achchhi nahin ye tarz

jab hum ko dekha munh ko chhupaya naqab mein

ifsha-e-raaz ta na ho parda zarur hai

sharmao mat ki parda-dari hai hijab mein

nisbat nahin ’aqiq ko dandan-e-yar se

jauhar mein ya safai mein aab-o-tab mein