ishq mein aa ajab maza dekha

ishq meñ aa ajab mazā dekhā

ḳhvesh-o-begāna āshnā dekhā

nukta-e-īmān se vāqif ho

chehra-e-yār jā-ba-jā dekhā

balki ye bolnā takalluf hai

ham ne us ko sunā hai yā dekhā

dekhtā aap hai sune hai aap

na koī us ke mā-sivā dekhā

sūrat-e-gul meñ khilkhilā ke hañsā

shakl-e-bulbul meñ chahchahā dekhā

sham.a ho kar ke aur parvāna

aap ko aap meñ jalā dekhā

kar ke da.avā kahīñ anal-haq kā

bar sar-e-dār vah khiñchā dekhā

thā vah bartar shumā-o-mā se 'niyāz'

phir vahī ab shumā-o-mā dekhā

ishq mein aa ajab maza dekha

KHwesh-o-begana aashna dekha

nukta-e-iman se waqif ho

chehra-e-yar ja-ba-ja dekha

balki ye bolna takalluf hai

hum ne us ko suna hai ya dekha

dekhta aap hai sune hai aap

na koi us ke ma-siwa dekha

surat-e-gul mein khilkhila ke hansa

shakl-e-bulbul mein chahchaha dekha

shama ho kar ke aur parwana

aap ko aap mein jala dekha

kar ke dawa kahin anal-haq ka

bar sar-e-dar wah khincha dekha

tha wah bartar shuma-o-ma se 'niyaz'

phir wahi ab shuma-o-ma dekha