ishq satata hai kyun aa mujhe har aan tu

ishq satātā hai kyuuñ aa mujhe har aan tū

mere to ārām kā le gayā sāmān tū

sabr-o-qarār shakeb tāb-o-tavāñ aql-o-dīñ

sab ne to lī apnī raah rah ga.ī ik jaan tū

dekhā nahīñ hai hunūz chehra-e-dildār ko

kis ko take hai bhalā dīda-e-hairān tū

ġham ne to hamdam bigāḌ dī mirī sab haisiyat

mānūñ tujhe maiñ agar le mujhe pahchān tū

pūchhe hai har ek se kis kā hai āshiq 'niyāz'

tujh ko nahīñ hai ḳhabar aisā hai anjān tū

ishq satata hai kyun aa mujhe har aan tu

mere to aaram ka le gaya saman tu

sabr-o-qarar shakeb tab-o-tawan aql-o-din

sab ne to li apni rah rah gai ek jaan tu

dekha nahin hai hunuz chehra-e-dildar ko

kis ko take hai bhala dida-e-hairan tu

gham ne to hamdam bigaD di meri sab haisiyat

manun tujhe main agar le mujhe pahchan tu

puchhe hai har ek se kis ka hai aashiq 'niyaz'

tujh ko nahin hai KHabar aisa hai anjaan tu