jab se meri nigah mein aa ke sama gaya koi

jab se mirī nigāh meñ aa ke samā gayā koī

hosh uḌā gayā koī mast banā gayā koī

ziist kī manzileñ na.ī mujh ko dikhā gayā koī

ishq kī ek aag sī dil meñ lagā gayā koī

aap pas-e-naqāb barq-e-tūr pe aa gayā koī

hosh uḌā gayā koī aag lagā gayā koī

mere junūn-e-ishq meñ hai vo latīf sī jhalak

husn jo parda Daal kar jalva dikhā gayā koī

merī ḳhushī ḳhushī nahīñ merā alam alam nahīñ

mujh ko hañsā gayā koī mujh ko rulā gayā koī

aaj to 'qaisar'-e-hazīñ ziist kī raah mil ga.ī

aa ke ḳhayāl-o-ḳhvāb meñ shakl dikhā gayā koī

jab se meri nigah mein aa ke sama gaya koi

hosh uDa gaya koi mast bana gaya koi

zist ki manzilen nai mujh ko dikha gaya koi

ishq ki ek aag si dil mein laga gaya koi

aap pas-e-naqab barq-e-tur pe aa gaya koi

hosh uDa gaya koi aag laga gaya koi

mere junun-e-ishq mein hai wo latif si jhalak

husn jo parda Dal kar jalwa dikha gaya koi

meri KHushi KHushi nahin mera alam alam nahin

mujh ko hansa gaya koi mujh ko rula gaya koi

aaj to 'qaisar'-e-hazin zist ki rah mil gai

aa ke KHayal-o-KHwab mein shakl dikha gaya koi