jab sun zahid ne suni us ruKH-e-pur-nur ki baat

jab suuñ zāhid ne sunī us ruḳh-e-pur-nūr kī baat

bhul ga.ī us se tere shauq suuñ tab huur kī baat

bas-ki tere nain haiñ naaz ke sāġhar se mast

kyā karūñ us ke aage nargis-e-maḳhmūr kī baat

mahfil-e-bahs meñ mumtāz haiñ arbāb-e-ulūm

mahkama-e-ishq meñ manzūr hai mansūr kī baat

majlis-e-vajd meñ kyā kaam hai ḳhud-baināñ kā

bazm-e-rindāñ meñ nahīñ zāhid-e-mastūr kī baat

bil-yaqīñ āshiq-o-ma.ashūq haqīqat meñ haiñ ek

log kahte haiñ abas nāzir-e-manzūr kī baat

aql apne se kyā sirr-e-hūvīyat kā samajh

jo use kab na suneñ aise dastūr kī baat

vahova ma.akum mujhe detā hai tasallī 'bedil'

nahno-aqrab se farāmosh huī duur kī baat

jab sun zahid ne suni us ruKH-e-pur-nur ki baat

bhul gai us se tere shauq sun tab hur ki baat

bas-ki tere nain hain naz ke saghar se mast

kya karun us ke aage nargis-e-maKHmur ki baat

mahfil-e-bahs mein mumtaz hain arbab-e-ulum

mahkama-e-ishq mein manzur hai mansur ki baat

majlis-e-wajd mein kya kaam hai KHud-bainan ka

bazm-e-rindan mein nahin zahid-e-mastur ki baat

bil-yaqin aashiq-o-mashuq haqiqat mein hain ek

log kahte hain abas nazir-e-manzur ki baat

aql apne se kya sirr-e-huwiyat ka samajh

jo use kab na sunen aise dastur ki baat

wahowa makum mujhe deta hai tasalli 'bedil'

nahno-aqrab se faramosh hui dur ki baat